Saturday, December 09, 2006

Milliseconds

Блог дээрээ юм бичилгүй 87 хоночихлоо. Энэ бичлэгээрээ технологитой холбоотой нэгэн зүйл бичихээр сэтгэл шулуудаад бичиж байгаа нь энэ. Дараа хэн нэгэнд нь хэрэг болж юуны магад гэж бодоод ANSI C хэл current millisecond -ийг хэрхэн авах талаар жижиг жишээ доор бичлээ. Үнэндээ би үүнийг олж мэдэх гэж нилээн удсанаа нуух юун.

Хэрвээ та ANSI C хэл дээр хэзээ нэгэн цагт current millisecond -ийг авдаг програмтай зууралдах бол дараах хэдхэн мөрийг харчихад л хангалттай.

#include "stdio.h"
#include "time.h"
#include "sys/timeb.h"

int main()
{
struct timeb tstruct;
int millisec;

ftime(&tstruct);

millisec = tstruct.millitm;

printf("Current millisecond(s) : %03d\n", millisec);

return 0;
}

За нэг иймэрхүү.

Wednesday, October 04, 2006

Б.Баабарын хэлсэн үг

-Би залуучуудад хэзээнээс л хэлдэг. Юун түрүүний асуудал бол өөрсдөө хөл дээрээ босч ирэх юм шүү гэж. Тэрнээс биш проблем бол хорвоогоор дүүрэн байна. Монгол улс буруу яваад байна, удирдагчаа буруу сонгочиж, Хятадын колони болох уу, за цаашилбал агаар мандлын озон цоорлоо, дэлхийд дулаарлын аюул нүүрэллээ ч гэдэг юм уу, түмэн проблем байна. Гэхдээ залуу хүний нэгдүгээр асуудал бол чи өөрөө хөл дээрээ л босох. Хөл дээрээ босоогүй байхдаа чи тэр олон асуудлын ядахнаа ганцыг нь ч шийдэж чадахгүй. Баялгийг яаж бүтээх, нийгэмд байраа яаж олохоо л хамгийн түрүүнд бод. Солих оймсгүй байж озон цоорчлоо, яанаа гээд хамаг урьдах ажлаа орхиод гүйгээд байх хэрэггүй. Оймсоо нөхчих, дараа нь санхүүгийн хувьд эцэг эхээсээ хамааралгүй болчих, дараа нь тэднийхээ ачийг нь хариулж тэжээчих чадалтай бол. Ингээд системтэй явсаар байгаад нэг мэдэхэд чи Билл Гэйтс шиг баян болсон хойноо тэр озоноо янзал. Тийш нь мөнгө төгрөг өг, сансарт пуужин нисгэ, тийм үү. Төр засаг болохоо больчихлоо гээд тэрнээс болж сургуулиа хаяж, гутарсандаа болж архи ууж, догдолсондоо болж шүлэг бичээд хэрэггүй. Түүнээс өмнө нийгэм дэхь өөрийн байраа олох нь чиний тэргүүн зорилт шүү. Би ийм л юм хэлдэг, тэрийгээ л хэлье.

Sunday, September 17, 2006

Түүх - Москва

Би кодоо бичээд сууж байтал гэнэт Москва гэдэг үг толгойд ороод ирлээ. Тэгээд дараах зүйлийг бичлээ.
Бат хааны үед Оросууд Монголчуудын сүүдрээс айдаг байсан гэхэд хэлстэхгүй. Монголын төмөр морьт цэргүүд газрыг донсолгон довтлон айсуйхуяа Оросуудын зүрхэнд өөрийн эрхгүй аймшиг хуруулмой. Москва хотын дундуур "Москва" нэртэй гол урсдагийг мэдэх байх. Тэр үед Монголчууд энэхүү газрыг "Мушгиа гол" гэж нэрлэдэг байчихуй. Энэ нэрээр тухайн хавийн газрыг нэрлэж дадсан бөгөөд он цагийн эргэлтэнд "Мушгиа гол" нь "Москва" болсийм гэдэг.
Ингэж бодохоор Москва гэдэг үг маань аялга нь өөр болсон Монгол үг юм байна шүү дээ!!!

Thursday, September 14, 2006

Эхний бичлэг

Сайн байцгаана уу?
Өнөөдөр 2006 оны 09 сарын 14 -ны өдөр. Блог хуудастай бололгүй нилээн удчихлаа. Өнөөдрөөс эхлээд өөрийн олж авсан өчүүхэн мэдлэгээ блог дээрээ бичиж байх болно.